حصرياً على منتدانا... برنامج ارسال رسائل من النت إلى الجوال مجاناً ادخل وحمل

كيف الحال ... إن شاء الله كلو في السليم



جايبلكم برنامج برنامج روعه .. إن شاء الله راح يعجبكم



بتقدرو من خلاله تبعتو مسجات قد ما بدكم ... (وأهم إشي إنو ببلاش )




+ -------------------------------------------- +
التحميـل :.

أول إشي حمل البرنامج .... >>من هان<<

+ -------------------------------------------- +
الـشـــــرح :.



الشرح حيكون مبسط أكتر من اللازم ... علشان الكل يستوعب الإشي



إمشي معي خطوة بخطوة ... كلو موضح بالصور







بعد ما تحمل البرنامج ... وتفك الضغط ... حتلاقي إسم المجلد SmSFree



إفتحه حتلاقي زي ما هوا باين بالصورة



إضغط على widgetsus.exe علشان نبدا ننزل البرنامج




حتفتح معاك الصحفة هادي





إضغط على Next ... زي ما هوا مبين عندك



حتفتح معك الصفحة الجايه



بتشيل الصح عن (شريط أدوات الياهو) .. وإذا بدك تخله بيضرش ..



وبتغط على Next



حتيجي الصفحة هادي



طبعا من هان بتختار وين بدك تنزل البرنامج ... ويستحسن تتركه ينزل مكان ما حددلك الويندوز



وبتضغط على Next



حتيجي معك الصفحة هادي



بيحكيلك كلام كتير ... ملناش إحنا بهيك قصص ...



أضغط على I Agree .. وإختصر الموضوع



حتيجي معك الصفحة هادي



شكلو هادا حيزهقنا قبل ما ينزل



أضغطلو على Next ... لما نشوف شو آخريتها معاه



حتيجي معك الصفحة هادي



شيل الصح عن الخيار .. وإللي هوا يخلي الـ Yahoo ... تفتح أول ما تفتح الـ Explorer



بدك تخليه عادي ... ما بيضر



وأخيرً .. أضغط على Install



حيقعد ينزل البرنامج ... لغايه ما تيجيك الصفحة هادي



هيك خلص تنزيل البرنامج ... أضغط على Close خليه يفك عنا



بس لسا ما خلصنا الشغل علشان نبعت رسائل



مباشرة أول ما تضغط على Close حيشتغل معك البرنامج



راح تيجيك الصفحة هادي



حيكون كلمة Click to continue أول ما تفتح الصفحة بخط فاهي



أتركها شويه ... لغايه ما يصير لونها زي الكتابه إللي فوق .. وأضغط عليها



حتيجي معك الصفحة هادي



نفس الكلام إللي فات ... وأضغط على Click to continue



حتيجي عندك الصفحة هادي



بدأت حبشتكنات البرنامج تظهر



أضغطلو كمان مرة على Click to continue



حتيجي معك الصفحة هادي



بيعينك الله.... أديلو كنتنيو (أضغط على Click to continue )



حتيجي معك الصفحى هادي


يووووووووووو ... وبعدين معاه .. زهقني ...



بيعينكم الله .. أديلو كمان كنتنيوو (إضغط على Click to continue )



حتيجي معك الصفحة هادي



خلص خلص .. هادي آخر مرة ... آخر مرة تضغط على Click to continue



هلقيت خلصنا تنزيل الإشي ... بس ضايل إشي بسيط





هلقيت البرنامج شغال ... ضايل كيف بدنا نبعت الرسائل



بتروح على مجلد البرنامج إللي نزلناه بالأول .. إللي كان إسمو SmSFree



وأضغط على SMS.widget ... زي ما إنتا شايف بالصورة



حيجي معك الصفحة هادي



أضغط على Use Widget



حتيجي معك الصفحة هادي



إضغط على العلامة الموجدة عند الزاويه ... إللي أنا حاطط عليها مربع بالأسود



حتيجي معك الصفحة هادي



أكتب إيميلك .. ورقم جوالك + مقدمة البلد



وإختار من Your Carrier الخيار >>> International



وآخر إشي ما تنسى تضغط على Save



حترجع للصفحة هادي



إضغط على Mode وإختار منها International




+ -------------------------------------------- +
هيك بتكون خلصت جميع إعدادات البرنامج



وطبعا هادي الحاجات ما بيلزم تعملها إلا أول مرة .. بعد هيك بترسل على طول أول ما تشغل البرنامج



+ -------------------------------------------- +



في النهاية حبايب قلبي ... بحب أقلكم تقلقوليش حالكم



وإن شاء الله البرنامج بيشتغل عند الكل



أنا عن نفسي شغال عندي تمام



وإن شاء الله بالنسبة للشرح .. أكون وفيت



وإذا في حدا عندو أي إستفسار ... يحكي .. وما يخجل




تحياتي للجميع